Ibalik ang inyong balota

1. Ibalik ang inyong balota sa pamamagitan ng koreo

Kailangang malagyan ng postmark hanggang sa Araw ng Eleksyon ang mga balotang ipinadala sa pamamagitan ng koreo para mabilang. I-check ang oras ng pagkolekta ng USPS kung ipadadala ninyo ang inyong balota sa mismong Araw ng Eleksyon.

Hindi na ninyo kailangan ng selyo dahil nabayaran na ang selyo ng pambalik na sobre.

2. Ibalik ang inyong balota sa isang lugar ng botohan

Simula 29 na araw bago ang Araw ng Eleksyon, maaari ninyong ihulog ang inyong balota sa Sentro ng Botohan sa City Hall tuwing mga oras na bukas ang Sentro ng Botohan.

Mula 7 a.m. hanggang 8 p.m. sa Araw ng Eleksyon, puwede ninyong ihulog ang inyong balota sa City Hall o saanmang lugar ng botohan sa California.

3. Ibalik ang inyong balota sa isang drop box

Simula 29 na araw bago ang Araw ng Eleksyon, maaari ninyong ihulog ang inyong balota sa alinmang 37 na opisyal na drop box ng Lungsod. Bawat drop box ay nagpapakita ng tatak ng Lungsod at bandilang Amerikano. Ito rin ay aksesible, nasa labas ng mga gusali, at bukas 24/7 hanggang 8 p.m. sa Araw ng Eleksyon.

Maaari ninyong pakiusapan ang ibang tao na ibalik ang inyong balota, tulad ng isang kaibigan o kapamilya. May seksyon ang sobre para sa layuning ito.

Nagbibigay din kami ng mga serbisyo sa paghahatid at pagkuha ng balota. Tumawag sa amin sa 415-554-4310 o mag-email sa amin para humiling ng tulong.

Maaari ninyong bisitahin ang anumang lugar ng botohan sa Lungsod upang gumamit ng mga aksesibleng kagamitan at makakuha ng tulong sa wikang inyong sinasalita.

Hinihikayat namin kayong subaybayan ang inyong balota gamit ang Voter Portal. Maaari din kayong mag-sign up para makatanggap ng mga notipikasyon sa email, text, o tawag sa telepono.