Kumuha ng health permit para makapagbukas ng restaurant, bar, o iba pang lokasyon ng retail na pagkain

Ang pagkuha ng inyong health permit ay isang hakbang lang sa proseso para makapagbukas ng restaurant sa San Francisco. 

Bago kayo mag-apply para sa inyong health permit, dapat:

• Mayroon na kayong lokasyon
• Nairehistro na ninyo ang inyong negosyo
• Nakapaghanda na kayo para sa mga kinakailangang inspeksyon
• Nakapag-apply na kayo para sa iba pang permit at serbisyo sa Lungsod

Para tingnan ang mga hakbang na ito, pumunta sa gabay sa pagbubukas ng restaurant sa Lungsod.

Posibleng ma-certify online ang inyong team pagkatapos kumuha ng kurso at pagsusulit. Kailangan ninyo ang mga sumusunod:

• Kahit 1 tao ay kailangang maging certified bilang food safety manager.
• Halos lahat ng ibang humahawak ng pagkain para sa trabaho ay dapat kumuha ng food handler card. 

Ihanda ang inyong:

• Business account number, o BAN 
• Location ID number, o LIN 
• Federal taxpayer ID 

(Hanapin ang inyong BAN o LIN number.)

Posibleng kailanganin din ninyong magpakita ng iba pang dokumento, tulad ng menu o floor plan. Nakadepende ito sa uri ng negosyo na mayroon kayo. Maaari kayong mag-save at bumalik sa aplikasyong ito anumang oras.