Pagpaparehistro ng botante sa parehong araw

Ang deadline ng regular na pagpaparehistro ng botante ay 15 araw bago ang bawat Araw ng Eleksyon. Kung magparehistro kayo hanggang sa petsang ito, papadalhan namin kayo ng isang balota at maaari ninyong piliin na bumoto sa pamamagitan ng koreo o nang personal. Kung nalampasan ninyo ang deadline na ito, maaari pa rin kayong magparehistro at bumoto nang personal.

Anumang oras sa panahon ng botohan, maaari kayong magparehistro at bumoto sa Sentro ng Botohan ng City Hall. Sa Araw ng Eleksyon, maaari din kayong magparehistro at bumoto sa isang lugar ng botohan. Pagkatapos magparehistro para bumoto, makakukuha kayo ng isang probisyonal na balota. Pagkatapos naming makumpirma na kayo ay elihible na bumoto sa kasalukuyang eleksyon, bibilangin namin ang inyong probisyonal na balota. Maaari ninyong gamitin ang Voter Portal o Provisional Ballot Lookup tool para matiyak na binilang namin ang inyong balota.

Espesyal na kalagayan

Kung kayo ay militar, nasa ibang bansa, o indibidwal na may kapansanan, maaari kayong magparehistro online matapos ang deadline. Kung kayo ay elihible, sundin ang apat na hakbang na ito: 

1. Magparehistro para makaboto online.
2. Makipag-ugnayan sa amin para humiling ng balota.
3. I-poproseso namin ang inyong rehistrasyon at papadalhan namin kayo ng link para ma-access ang inyong balota.
4. Markahan ang inyong balota, i-print ito, at ibalik nang hindi lalampas sa Araw ng Eleksyon.