Mga programa para sa mga estudyanteng high school

Programa para maging Embahador ng mga Eleksyon

Kung kayo ay isang estudyante sa High School sa San Francisco, maaari kayong mag-aplay para maglingkod bilang isang Embahador ng mga Eleksyon sa panahon ng taunang mga Linggo para sa Edukasyon para sa mga Botante para sa High School sa California. Sa huling dalawang lingo sa Abril at Seytembre bawat taon, nagtatrabaho ang mga High School na mga Embahador sa mga Eleksyon para isulong ang rehistrasyon ng botante at sibikong pakikilahok sa kanilang mga komunidad.

Ang Programa para sa High School para maging Embahador ng mga Eleksyon sa Tagsibol 2025 ay gaganapin mula Abril 14 – Abril 25, 2025. Nagsara ang panahon para sa aplikasyon noong Marso 26, 2025.

Ang lahat ng Embahador ay kailangan munang dumalo sa siyamnapung minutong pagsasanay na workshop nang personal. Pagkatapos makumpleto ang workshop, ang bawat Embahador ay gagawa at magpapatupad ng plano sa outreach upang paunang irehistro ang mga elihibleng kabataan (16 at 17 taong gulang) at irehistro ang mga elihibleng nasa hustong gulang para bumoto.

Lahat ng matagumpay na Embahador ng mga Eleksyon ay tatanggap ng sertipikasyon ng pakikilahok na nilagdaan ng Mayor ng San Francisco, tukoy na oras ng serbisyo sa komunidad sa ilalim ng programa upang maisama sa kanilang mga aplikasyon sa kolehiyo, at makakukuha ng mahalagang karanasan sa pakikipag-ugnayan sa komunidad sa Departamento ng mga Eleksyon ng San Francisco.

Ang mga aplikasyon para sa Programa para sa High School para maging Embahador ng mga Eleksyon sa Taglagas 2025 ay magbubukas sa huling bahagi ng Hulyo 2025.

Paunang pagpaparehistro ng botante

Kung kayo ay 16 o 17 taong gulang, maaari ninyong kompletuhin ang isang papel o online na form ng pagpaparehistro ng botante ngayon. Sa inyong ika-18 na kaarawan, gagawin naming aktibo ang rekord ninyo bilang botante at papadalhan namin kayo ng liham ng kumpirmasyon. Magsisimula rin kaming magpadala sa inyo ng mga opisyal na materyales pang-eleksyon.

Paglilingkod bilang Manggagawa sa Botohan

Kung kayo ay hindi bababa sa 16 taong gulang sa susunod na Araw ng Eleksyon, maaari kayong mag-aplay upang maglingkod bilang isang manggagawa sa botohan. Ang karanasang ito ay magandang tingnan sa inyong aplikasyon sa kolehiyo o resume. Makatatanggap din kayo ng bayad na aabot sa $245. Makikita ang Aplikasyon para maging High School na Manggagawa sa Botohan para sa susunod na eleksyon sa pahinang ito sa unang bahagi ng 2026.

Mock Election para sa Estudyante sa California

Maaaring makilahok ang mga High School sa San Francisco sa Mock Election para sa Estudyante sa California, isang programang pinangangasiwaan ng tanggapan ng Kalihim ng Estado ng California. Para alamin ang higit pa at malaman kung papaano pakapagpaparehistro ang inyong paaralan, bisitahin ang website ng Kalihim ng Estado.

Kung may mga tanong kayo o gusto ng higit pang impormasyon tungkol sa mga programa para sa mga estudyante sa High School, mangyaring makipag-ugnayan sa pangkat para sa mga programa para sa High School sa hsp@sfgov.org.