Mga programa para sa mga estudyanteng high school

Programa para maging Embahador ng mga Eleksyon

Kung kayo ay estudyante sa isang High School sa San Francisco, puwede kayo mag-apply para maglingkod bilang isang Embahador ng mga Eleksyon tuwing sa taun-taong mga Linggo para sa High School Voter Education ng California. Sa huling dalawang linggo ng Abril at Setyembre ng bawat taon, nagsisilbi ang mga High School Embahador ng mga Eleksyon para ipataguyod ang pagpaparehistro ng botante at sibikong pakikipag-ugnanyan sa kanilang mga komunidad.

Kailangan muna dumalo nang personal ang lahat ng mga embahador sa isang training workshop na tumatagal ng halos 90 na minuto. Pagkatapos ng pagsasanay, gumagawa at nagpapatupad ang bawat embahador ng outreach plan upang makatulong sa paunang-pagpaparehistro ng mga elihibleng edad 16 at 17 taong gulang at sa pagpaparehistro ng mga elihibleng nasa wastong gulang na para bumoto. Kung kayo ay may kagustuhan maglingkod bilang isang Fall 2024 High School Embahador ng mga Eleksyon, maaaring kumpletuhin at isumite ang online program application.

Ang panahon para sa aplikasyon ng Fall 2024 High School Embahador ng mga Eleksyon ay magsimula mula Hulyo 30 – Agosto 28, 2024.

Ang lahat ng mga matagumpay na kalahok sa programa para maging Embahador ng mga Eleksyon ay makatatanggap ng katibayan ng paglahok na pirmado ng Mayor ng San Francisco, tukoy na mga oras para sa community service program na maisasali sa mga aplikasyon para sa kolehiyo, at makakukuha ng mahalagang karanasan sa pag-o-organisa sa komunidad kasama ang Departamento ng mga Eleksyon ng San Francisco.

Paunang pagpaparehistro ng botante

Kung kayo ay 16 o 17 taong gulang, maaari ninyong kompletuhin ang isang papel o online na form ng pagpaparehistro ng botante ngayon. Sa inyong ika-18 na kaarawan, gagawin naming aktibo ang rekord ninyo bilang botante at papadalhan namin kayo ng liham ng kumpirmasyon. Magsisimula rin kaming magpadala sa inyo ng mga opisyal na materyales pang-eleksyon.

Paglilingkod bilang manggagawa sa botohan

Kung kayo ay hindi bababa sa edad 16 taong gulang sa susunod na Araw ng Eleksyon, maaari kayong mag-apply upang maglingkod bilang isang manggagawa sa botohan. Ang paglilingkod bilang manggagawa sa botohan ay magandang tignan sa aplikasyon para sa kolehiyo o resume. Makatatanggap din kayo ng bayad na aabot sa $245. Para mag-apply, kumpletuhin ang High School Poll Worker Application.

Mock Election ng Estudyante sa California

Maaaring makilahok ang mga high school sa San Francisco sa 2024 Mock Election ng Estudyante sa California, isang programang pinangangasiwaan ng tanggapan ng Kalihim ng Estado ng California. Para alamin ang higit pa at malaman kung paano makapagpaparehistro ang inyong paaralan, bisitahin ang website ng Kalihim ng Estado.