Mga kaso ng COVID-19 sa mga paaralan

Mga kaso at transmisyon ng COVID-19 sa mga paaralan

Sinusuri at sinusubaybayan namin ang data ng COVID-19 sa mga paaralan upang matiyak na ligtas tayong muling magbubukas.  

Ang data na ito ng COVID-19 ay para sa buong taon ng paaralan 2020-2021. Kabilang dito ang lahat ng kaso ng COVID-19 sa mga paaralan ng San Francisco. Kabilang dito ang Transitional Kindergarten hanggang ika-12 baitang.

Mga kaso at transmisyon sa paaralan

Mula Setyembre 23, 2020 hanggang Hunyo 11, 2021, may 175 kaso sa 47,615 mag-aaral o tauhan. Sa 175 kasong ito, 7 ang mga pagkakataon na pinaghihinalaang transmisyon sa paaralan. Ang ibig sabihin ng transmisyon sa paaralan ay nagkaroon ng COVID-19 ang isang mag-aaral o guro habang nasa paaralan.

Ang karamihan sa mga kaso sa mga mag-aaral o tauhan ay hindi resulta ng transmisyon sa paaralan. Ang karamihan sa mga kaso ay nahawa ng COVID-19 sa kanilang pamilya o komunidad sa labas ng paaralan.

Sinimulang muling buksan ng Pinag-isang Distrito ng Paaralan ng San Francisco (San Francisco Unified School District, SFUSD) ang mga paaralan noong Abril 12, 2021.

mga tala ng data at mapagkukunan

mga tala ng data at mapagkukunan

*Nagbabahagi kami ng mga eksaktong bilang ng mga kaso, transmisyon, at outbreak kapag mayroong hindi bababa sa 5 pangyayari. Kapag mas kaunti sa 5, hindi ipapakita ang eksaktong numero. Ito ay naaayon sa aming mga patakaran sa pagbabahagi ng data at privacy.

Kabilang sa data na ito ang lahat ng paaralan na nagbukas para sa in-person na pagtuturo. Kinakatawan ng data na ito ang buong taon ng paaralan 2020-2021.

Ang data ng pagpapatala ay nakolekta mula sa mga paaralan gamit ang survey. Nag-ulat ang mga paaralan ng pagtatantya ng mga estudyante at tauhan na pumasok sa paaralan. Ang pagtatantyang ito ay batay sa bilang ng mga in-person na mag-aaral o tauhan nang hindi bababa sa isang araw sa linggo ng Mayo 17, 2021. 

Hindi kasama ang programang Hub sa Pag-aaral. Matuto pa tungkol sa Mga Hub sa Pag-aaral.

Sinisiyasat ng Lungsod ang bawat kaso upang subaybayan ang pagkalat ng sakit sa mga paaralan. 

Ang pinaghihinalaang transmisyon sa paaralan ay nangangahulugang ipinagpapalagay na nahawa ng COVID-19 ang isang tao sa isa pang indibidwal sa paaralan

Natutugunan ng outbreak sa paaralan ang mga sumusunod na pamantayan: 

  • Hindi bababa sa tatlong posible o nakumpirmang kaso ng COVID-19 sa loob ng 14 na araw

  • Napatunayang magkakaugnay ang lahat ng kaso

  • Ang mga kaso ay kinasasangkutan ng mahigit isang maliit na grupo ng mga mag-aaral na palaging magkakasama

  • Ang mga kaso ay mula sa iba't ibang sambahayan 

  • Ang mga kaso ay hindi natukoy bilang close contact ng bawat isa sa anupamang pagsisiyasat ng kaso 

  • Ang mga kaso ay walang malinaw na pinagmulan ng impeksyon sa labas ng paaralan 

Kaligtasan ang pangunahing priyoridad sa mga paaralan

Dapat sundin ng lahat ng paaralan na bukas para sa in-person na pag-aaral ang lahat ng patnubay sa pampublikong kalusugan. Tinitiyak nitong ligtas na magbubukas ang mga paaralan ng San Francisco hangga't maaari. Kasama sa patnubay na ito ang mga partikular na pamamaraan sa bentilasyon, mga pantakip sa mukha, physical distancing, at marami pang iba. Kung may mga sintomas o magpositibo sa COVID-19 ang sinuman sa paaralan, ang paaralan ay dapat: 

  • Tiyaking mag-quarantine ang mga nalantad na tauhan at mag-aaral 

  • Magbigay ng alerto sa Lungsod 

Idinodokumento at sinisiyasat ng Lungsod ang bawat kaso. Matuto pa sa website ng Departamento ng Pampublikong Kalusugan ng San Francisco.