Kumuha ng street vending permit

Ang mga halaga ng pagpaparehistro ay nakadepende sa inaasahang kita para sa inyong negosyo. Tingnan ang mga bayarin para iparehistro ang inyong negosyo.

Ang Street Vending Permit ay nagkakahalagang $430 kada taon. Kailangan din ninyong magbayad ng $9 na surcharge sa Konseho sa Pag-apela. 

Hindi ninyo kailangang bayaran ang buong bayarin sa permit kung nakakakuha kayo ng mga benepisyo mula sa gobyerno. O kung ang kinikita ninyo ay mas mababa sa isang partikular na halaga ng pera para sa inyong sambahayan.

Puwede rin kayong humiling ng bawas sa bayarin kung isa kayong nonprofit na tumutugon sa mga partikular na kinakailangan. 

Matuto pa kapag nag-apply kayo para sa isang permit.

Ihanda ang lahat ng impormasyon para sa inyong aplikasyon at mag-apply. 

Kung nagbebenta kayo ng prepackaged na pagkain at inumin mayroon dapat kayong health permit mula sa DPH. Mag-apply dapat kayo para sa isang food permit pagkatapos ninyong mag-apply para sa isang Street Vending permit.  

Matuto tungkol sa pagkuha ng health permit.

Susuriin namin ang inyong aplikasyon sa permit at babalikan namin kayo pagkatapos ng 20 o mas kaunting araw. 

Posibleng i-email namin kayo kung mayroon kaming anumang tanong.

Magpapadala kami sa inyo ng invoice para sa kailangan ninyong bayaran para sa inyong permit. 

Puwede kayong magbayad online o sa pamamagitan ng koreo. 

Ang lahat ng tao, kahit ang mga taong may waiver, ay dapat magbayad ng $9 na surcharge sa Konseho sa Pag-apela.

Pagkatapos ninyong magbayad, ipapadala namin sa inyo ang inyong permit sa email. 

Kapag may permit na kayo puwede na kayong magsimulang magbenta sa sidewalk.

Naka-print o nasa inyong telepono dapat ang inyong permit habang nagbebenta kayo.

Kung hihilingin ng isang inspector na tingnan ang inyong permit, maipakita dapat ninyo ito sa kanya.