Kumuha ng mga bakuna, pagsusuri, at paggagamot sa mpox

Inirerekomenda namin ang bakuna para sa mga taong sinabi ng CDC na dapat mabakunahan.

Inirerekomenda din namin ang bakuna para sa: 

• Ang sinumang nabubuhay na may HIV, lalo na ang mga nanganganib sa mga komplikasyon ng mpox, tulad ng mga taong may CD4 count na <350/mm3, isang hindi napigilan na viral load, o may oportunistikong impeksyon
• Sinumang umiinom ng PrEP para sa pag-iwas sa HIV (o kung sino ang kwalipikadong na tumanggap ito)
• Mga sex worker

Kung may insurance ka:

• Tanungin ang iyong tagapagkaloob ng pangangalagang pangkalusugan para sa bakuna. 
• Puwede mo ring icheck sa CVS, Walgreens, Safeway, Costco, o sa iba pang retail na botika. Mag-book online para matiyak na mayroon ng bakuna ang iyong tindahan.
• Mahahanap mo rin ang bakuna gamit ang vaccine locator ng CDC. Tawagan ang lokasyon para i-check kung mayroon bago pumunta.
• Ang bakuna ay covered ng karamihang insurance.

Kung wala kang insurance, o ang iyong insurance ay hindi covered ang bakuna:

Kung wala kang insurance o hindi buong cover ng iyong insurance ang gastos, puwede mong makuha ito ng libre sa mga klinikang ito, habang may mga supply:

• San Francisco AIDS Foundation, Klinika sa Strut: 415-581-1600
• Adult Immunization and Travel Clinic (AITC): gumawa ng appointment online
• SF City Clinic: 628-217-6600

Puwedeng magpasuri ang mga taong may mga pantal na mukhang mpox. Ang mga tagapangalaga ng kalusugan ang magsasagawa ng pagsusuri.

Kung mayroon kang tagapangalaga ng kalusugan, makipag-ugnayan sa kanila para hingin ang pagsusuri.

Kung wala kang tagapangalaga ng kalusugan, maghanap ng mga libreng klinika para sa mpox sa ibaba.

Habang hinihintay mo ang mga resulta ng iyong test: 

• Manatili sa bahay at lumayo sa ibang tao 
• Iwasan ang pampublikong transportasyon. Kung kailangan mong umalis ng bahay, limitahan ang pisikal na pakiki-ugnay sa sinuman, magsuot ng mask na maayos ang pagkakalapat, at takpan ang lahat ng sugat, kabilang ang nasa mga kamay mo. Puwede kang gumamit ng malalambot na bandage para sa mga sugat na hindi natatakpan ng damit o guwantes. 
• Makipag-ugnayan sa mga taong nakatalik mo o malapit mong nakaugnay at hilingin sa kanilang magpa-test kung magkaroon sila ng pantal o mga butlig. Dapat ding magpabakuna ang sinumang malapit na nakaugnayan kung hindi pa sila nababakunahan.

Gumagaling ang karamihan ng mga tao sa mpox nang hindi nangangailangan ng anumang gamot o iba pang paggamot. Isang gamot na tinatawag na tecovirimat (o TPOXX) ay puwedeng ibigay para sa mga taong may malubhang mpox. Makipag-usap sa iyong doktor kung sa tingin mo ay posibleng kailangan mo ng TPOXX.

Ang libreng pagsusuri ng mpox ay available sa Strut at SF City Clinic:

• San Francisco AIDS Foundation, Klinika sa Strut: 415-581-1600
• SF City Clinic: 628-217-6600

Matuto pa mula sa CDC.