Kumuha ng SF City ID

Makakakuha ka ng SF City ID kung ikaw ay:

• Nakatira sa San Francisco
• Makapagpapatunay kung sino ka

Kapag nakuha mo na ang iyong SF City ID, makikita rito ang:

• Pangalan
• Petsa ng kapanganakan
• Address
• Lagda
• Larawan
• Mga medikal na kondisyon o allergy (kung gusto mo)
• Pang-emergency na contact (kung gusto mo)

Magagamit ang mga SF City ID sa loob ng 2 taon.

Mapapatunayan mo ang iyong pagkakakilanlan kung makapagpapakita ka ng orihinal at hindi pa nag-expire na:

• Pasaporte, mula sa US o ibang bansa
• Lisensya sa pagmamaneho sa US
• US state ID
• Permanent Resident Card (Green Card)
• Consular Identification (CID)
• Photo ID Card na inisyu ng ibang bansa na nakatutugon sa mga kinakailangan ng SF Admin Code 95.1(a)

Kung wala ka ng alinman sa mga iyon, maaari kang magpakita ng 2 sa mga sumusunod na hindi pa nag-expire na dokumento: 1 may larawan (para sa 14 na taong gulang pataas), at 1 may petsa ng kapanganakan:

• Katibayan ng kapanganakan (sa US o ibang bansa, sertipikadong kopya)
• Military identification card (sa US o ibang bansa)
• Liham ng awtorisasyon para sa Individual taxpayer identification number (ITIN)
• Identification mula sa paaralan sa California
• National ID Card na may larawan, pangalan, address, petsa ng kapanganakan, at petsa ng pag-expire
• Lisensya sa pagmamaneho sa ibang bansa
• Visa na bigay ng ahensya ng pamahalaan

Kakailanganin mong magdala ng isa sa mga sumusunod, na may pangalan at address mo sa San Francisco (mula sa nakalipas na 30 araw):

• Utility bill (kuryente, gas, basura, tubig, internet, cable o telepono)
• Bank statement 
• Paystub
• Statement ng buwis sa kita o statement ng refund
• Pagpapatala sa paaralan ng iyong anak sa isang paaralan sa San Francisco
• Statement ng buwis sa pag-aari
• Resibo ng pagbabayad sa mortgage
• Desisyon mula sa lupon sa pag-stabilize at arbitrasyon sa upa
• Mga pagpapatawag ng jury o kautusan ng hukuman
• Bill ng insurance (para sa may-ari ng bahay, umuupa, kalusugan, pamumuhay o sasakyan)

Maaari mo ring patunayan ang paninirahan kung mayroon kang sulat mula sa isang shelter para sa walang tirahan na nakakatanggap ng pondo sa Lungsod. O kung mayroon kang sulat mula sa isang ospital, klinikang pangkalusugan o ahensya ng mga serbisyong panlipunan. 

Kailangang kinukumpirma sa sulat na namalagi ka roon sa loob ng hindi bababa sa 15 sa nakalipas na 30 araw. Kung mayroon ka ng sulat na ito, libre ang iyong SF City ID. 

Maaari ka ring makakuha ng SF City ID nang libre kung magdadala ka ng patunay ng pagpapatala sa mga food stamp, Medi-Cal, CalWORKS, pampublikong pabahay, libre at mas murang tanghalian sa paaralan, programang MUNI Lifeline, o California LifeLine.

Kung magdadala ka ng orihinal na katibayan ng kasal (certified), maaaring nasa pangalan ng iyong asawa ang anumang dokumentong nagpapatunay na nakatira ka sa San Francisco.

Maaari kang magpa-appointment sa pamamagitan ng pagtawag sa 311 (kapag nasa labas ng San Francisco, 415-701-2311). 

Kakailanganin mong magbayad kapag nasa tanggapan ka. Maaari kang magbayad gamit ang cash, credit o debit card, at ilang uri ng mga tseke. 

Maaari mong isaad sa iyong card ang iyong mga allergy o medikal na kondisyon, kung gusto mo. Kakailanganin mong sabihin sa amin kung ano ang ipapakita.

Kakailanganin mong sabihin sa amin kung nagpalit ka ng iyong pangalan, pero hindi ito ipapakita sa card mo. Kakailanganin mo ng kautusan ng hukuman at numero ng kaso o certified na katibayan ng kasal.

I-download ang PDF at ilagay ang iyong mga detalye. 

Mga form sa aplikasyon para sa SF City ID

Kakailanganin mong i-print ito at dalhin sa iyong appointment.

Kakailanganin mong pumunta nang personal sa iyong appointment sa

Gagawin mo roon ang mga sumusunod:

• Dalhin ang iyong nasagutang aplikasyon para sa SF City ID
• Ipakita ang mga orihinal na dokumento na nagpapatunay ng iyong pagkakakilanlan 
• Ipakita ang mga dokumentong nagpapatunay na nakatira ka sa San Francisco
• Magbayad ng fee (mula $6 hanggang $18)
• Magpakuha ng iyong larawan
• Tanggapin ang iyong SF City ID bago ka umalis sa appointment mo

Karaniwang inaabot ang mga appointment nang 30 minuto.