Mag-apply para sa mini-grant para sa maliliit na negosyo sa Japantown

Alamin kung ang iyong negosyo ay nasa target na lugar ng Japantown sa aming mapa ng mga komunidad na may mga negosyo.

Ang iyong negosyo ay dapat:

• Isang for-profit na negosyo
• Full-time nang tumatakbo bago ang o mula pa noong Setyembre 16, 2019
• Wala pang $2.5 milyong gross na taunang kita noong 2018 o 2019
• Nagsara o nabawasan nang 25% sa kita sa panahon ng outbreak ng coronavirus
• Sumunod sa public health order na Manatili sa bahay at sa gabay para sa mga negosyo
• May komersyal na storefront
• Hindi isang franchise o korporasyon

Kakailanganin mong i-upload ang mga dokumentong ito para makapag-apply:

• Napunan at nalagdaang W-9
• Lisensya sa negosyo at pagpaparehistro ng negosyo sa SF

Kung mahalaga at nakabukas pa rin ang iyong negosyo, magpakita ng 25% pagbaba sa kita sa loob ng 30 araw sa 2020 kumpara sa 2019 o 2018. Puwede kang gumamit ng mga bank statement, dokumento ng buwis, o ulat mula sa iyong accounting software o point of sale system.

Tatanungin ka namin tungkol sa iyong pagkakakilanlan, mga detalye ng iyong negosyo, at epekto ng coronavirus sa iyong negosyo.

Dapat kang mag-enroll sa hindi bababa sa 2 oportunidad sa virtual na pagkatuto na sumusuporta sa iyong negosyo.

Mayroon kaming mga mini-grant na available para sa ibang komunidad. Tingnan ang mga available na mini-grant para sa mga negosyong apektado ng outbreak ng coronavirus.

Mayroon din kaming pondo para sa mini-grant para sa mga negosyo sa San Francisco na 100% pag-aari ng babae. Sa iisang mini-grant lang puwedeng mag-apply ang mga negosyong pag-aari ng babae sa mga komunidad na ito.